GASIRABO

Have, Have; Dore Imboni y’Ijisho ry’Imana:

Nd’Ishimwe- Rya Mugenga – Wa Mbazabugabo – Wa Nziraguseswa – Wa Ruhingika -Rwa Kanyankore- Ka Baziga.

Amahanga twarayagenze, Twambaye Kamambiri Umoja, Abali beza twarababonye ariko UYU WE? Mbega umugeni bahetse? Ni Kibasumba ndakurahiye! Araseka amasaro agaseseka. N’Umutoni mu Bakobwa
N’Indashyikirwa. N’Indahangarwa.
Impundu, Impundu…

S’uburebure abarusha. S’ugutera neza. S’isura inogeye amaso. Ahubwo n’ umutima ukeye. Yo Muhorakeye we.Dore wubahishije ababyeyi. Mbega ibirori ubahaye? Oya mama wirira shenge. Dore twese twabukerereye. Mama na Nyogosenge bateze urugori. Umushumba Indatwa Yiyirije. Musaza wawe Kevin yazindutse akubita cirage agakweto, Aline nawe ati nkisiga nkasiga n’inzara, n’umusatsi, n’ingohe.

Itangazo Rusange ryaciye kuri Radiyo rigira riti: Uno munsi abafite za “chien méchants” muzikarabye zitanukira umugeni. Impinja muziryamishe zidasakuriza umugeni. N’imihanda muyikorope di. IT’S GOING HASI!

Havumwe uwavuma iyi mfura y’i Rwanda.
Ashwi da, Umutware yatwihananingirije ngo: akavumbi nigashake kabarenge ariko ntikagore k’umugeni wanjye . Ati, ahubwo ndetse, reka ntumize Kajugujugu niyo ikwiye iri “gufwa ryo mu ma gufwa yanjye, kara ko mumara yanjye”. (Itangiriro 2:23)

Twabanje kugirango aratebya. Tugiye kumva ngo “PA-PA-PA”. Turebye mu bicu turumirwa. Abari aho bose bahise birahari bati: Mbega Intore Twungutse!